Letra zyrtare e UDA-së drejtuar Kongresit Amerikan
open-letter-us-congress.pdf · 2.5 MB
Lobim ndërkombëtar
Diaspora Shqiptare e Bashkuar (UDA) ka nisur një iniciativë drejtuar Departamentit Amerikan të Shtetit, senatorëve amerikanë dhe anëtarëve të Dhomës së Përfaqësuesve, përfshirë edhe anëtarët e Albanian Caucus, duke kërkuar vëmendje dhe shqyrtim për tri çështje që lidhen me interesin publik në Shqipëri.
Çështjet e ngritura
UDA kërkon që të shqyrtohen shqetësimet e ngritura lidhur me transparencën, procedurat e miratimit dhe ndikimin e mundshëm mjedisor të projekteve ku përfshihet Jared Kushner.
Organizata i kërkon Departamentit të Shtetit të vlerësojë nëse rastet e paraqitura plotësojnë kriteret për masa kufizuese sipas legjislacionit amerikan, përfshirë kufizimin e hyrjes në Shtetet e Bashkuara, të njohur gjerësisht në Shqipëri si shpallje non grata.
UDA kërkon vëmendje ndaj raportimeve për përdorim të forcës gjatë protestave dhe shqetësimeve që lidhen me garantimin e së drejtës për tubim paqësor.
Kontributi
Nëse jeni shtetas amerikan dhe dëshironi të mbështesni këtë iniciativë, mund t’u drejtoheni senatorëve të shtetit ku banoni dhe përfaqësuesit tuaj në Kongres, duke shprehur qëndrimin tuaj mbi këto çështje dhe duke mbështetur përpjekjet për rritjen e zërit të diasporës shqiptare.
Më poshtë do të gjeni një model letre shoqëruese në format Word, si dhe letrën zyrtare të UDA-së në PDF. Modeli shërben si udhëzues dhe mund të përshtatet sipas dëshirës ose të zëvendësohet me një mesazh të shkruar me fjalët tuaja. Gjatë dërgimit të mesazhit, rekomandohet të bashkëngjitet edhe letra zyrtare e UDA-së.
Kontakte
Për të gjetur senatorët që përfaqësojnë shtetin tuaj, vizitoni:
Gjeni senatorët tuajPër të identifikuar përfaqësuesin tuaj në Kongres sipas kodit postar (ZIP Code), vizitoni:
Gjeni përfaqësuesin tuaj në KongresKjo pjesëmarrje u jep mundësi qytetarëve amerikanë me origjinë shqiptare të komunikojnë drejtpërdrejt me përfaqësuesit e tyre të zgjedhur mbi çështje që konsiderojnë të rëndësishme për Shqipërinë dhe komunitetin shqiptar.